На цэнтральным бульвары Гомеля паваліліся электрычныя слупы (фота)
Вінаваты ў гэтым тралейбус, які незнарок зачапіў іх.
На бульвары Перамогі два электрычныя слупы перакрылі рух транспарту: адзін нахіліўся, ледзь не вырываецца “з коранем”, а другі амаль пераламіўся. Як паведамілі Еўрарадыё відавочцы здарэння, тралейбус пад час руху нейкім чынам зачапіў правады і электрычны слуп, пераламіўшыся, амаль паваліўся на дарогу.
Паколькі першы слуп быў звязаны правадамі з іншым, што стаіць насупраць яго, то і другі не застаўся стаяць і таксама нахіліўся. Трэба адзначыць, што пашкоджаныя слупы не знаходзяцца побач: іх адззяляюць дзве праезныя часткі і пешаходны бульвар.
Таксама відавочцы адзначылі: тое, што слупы зваліліся, не дзіўна, бо яны вельмі старыя, але іх не замяняюць, а толькі фарбуюць час ад часу, каб мелі свежы выгляд.
