На наступным тыдні Пётр Парашэнка распусціць Раду
Плануецца, што ўказ аб роспуску Вярхоўнай Рады і правядзенні датэрміновых выбараў парламента будзе падпісаны на Дзень незалежнасці 24 жніўня.
Пра гэта ў эфіры Радыё Свабода паведаміў дарадца кіраўніка дзяржавы Алег Мядзведзеў. “Днямі заканчваецца 30-дзённы тэрмін для фармавання новай кааліцыі, і ў прэзідэнта Украіны ёсць законная падстава распусціць парламент”, — адзначаецца ў паведамленні.
Мядзведзеў дадаў, што ў верасні будзе абнародаваны пакет буйных палітычных, эканамічных і сацыяльных рэформаў. Акрамя таго, будзе ратыфікаваная дамова аб асацыяцыі Украіны з ЕС, падпісаная ў чэрвені гэтага года, паведамляе “Укрінформ”.
