На сайт Хартыі’97 зноў напалі хакеры

7 снежня а 17.00 паводле мінскага часу служба тэхнічнай падтрымкі сайта charter97.org зафіксавала DDoS-атаку. На колькі хвілінаў сайт выявіўся недаступным. Па словах адміністратара, адбіць атаку было лёгка і гэта было падобным хутчэй да праверкі магчымасцяў сервера. Прадстаўнікі Хартыі’97 мяркуюць, што ўлады рыхтуюцца да блакіроўкі іх сайта напярэдадні выбараў. Такія тэсты “хакеры” ладзяць колькі разоў перад масіраваным нападам.