На Вілейскім вадасховішчы выратавалі групу рыбакоў
Пяцёра аматараў павудзіць рыбу апынуліся ў экстрэмальнай сітуацыі.
3 снежня ў 1.37 у МНС паступіла паведамленне, што група рыбакоў на лёдзе Вілейскага вадасховішча мае патрэбу ў дапамозе. Рыбакі ішлі да берагу, калі пачулі пад сабой трэск ільда. Яго таўшчыня складала 6-7 сантыметраў. Яны вырашылі набраць нумар “101” і выклікаць ратавальнікаў.
Пакуль спецыялісты МНС дабіраліся да месца выкліку, дыспетчар падказваў рыбакам па тэлефоне, як трэба дзейнічаць, каб не праваліцца пад лёд. Затым выратавальнікі прыбылі на месца і дапамаглі рыбакам выбрацца на бераг.
Аматары рыбалкі выявіліся жыхарамі Мінска, яны не мелі патрэбы ў медыцынскай дапамозе.
Між тым, прэс-служба МНС нагадвае, што пры тэмпературы паветра ў 0 градусаў цягам трох сутак таўшчыня лёду змяншаецца на 25%, таму трэба захоўваць пільнасць у дні адлігі.
