Наталлі Радзінай не рэкамендуюць даваць ацэнку Плошчы
1 лютага супрацоўнікі міліцыі даставілі рэдактара сайта Хартыя’97 Наталлю Радзіну ў Кобрынскі РАЎС.
У аддзяленні журналістцы нагадалі, што яна не мае права пакідаць межы Кобрына, павінна быць заўсёды на мабільнай сувязі і яе месцазнаходжанні будзе ўвесь час кантраляваць участковы інспектар.
Наталлі таксама паведамілі, што ёй не забаронена займацца журналісцкай дзейнасцю, але на перыяд следства па справе Плошчы яна павінна ўстрымлівацца ад ацэначных суджэнняў, паведамляе Хартыя’97.
