"Не — заводу!" Брэстчане зноў пратэставалі нягледзячы на каранавірус

12 красавіка сотні брэстчан зноў выйшлі ў цэнтр горада з пратэстам супраць будаўніцтва акумулятарнага заводу. Яны ідуць па горадзе і выкрыкваюць "Не заводу АКБ".

Многія з праціўнікаў завода прыйшлі на акцыю ў масках. Паведамляецца, што на акцыі прысутнічаюць людзі ў цывільным.

Акцыі пратэсту ў Брэсце ладзяцца ад лютага 2018-га года. Спачатку людзі прыходзілі на плошчу Леніна кожную нядзелю, кармілі галубоў і пляскалі ў далоні. Пазней пачалі хадзіць па горадзе і выкрыкваць лозунгі. Такім чынам яны выказваюць сваю нязгоду з  будаўніцтвам акумулятарнага завода на прамысловай пляцоўцы “Аэрапорт” ў свабоднай эканамічнай зоне “Брэст”. Праект рэалізуе кітайская кампанія “АйПауэр”. Жыхары горада і бліжэйшых вёсак мяркуюць, што гэта шкодная вытворчасць, якая негатыўна адаб’ецца на экалогіі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.