Новае відэа Без Білета ўжо ў Інтэрнэце!
17 студзеня – доўгачаканы дзень прэм’еры відэа на песню “По ветру” гурта “Без Білета”.
Кліп, які толькі аднойчы быў паказаны падчас “Дзён Безбілетніка”, можна
паглядзець на сайце гурта, а ў хуткім часе – і на тэлеканалах Беларусі,
Расіі і Ўкраіны. Рэжысёр Таня Кушнер зняла кранальную меладраму з
элементамі фэнтэзі, натхнёную фільмам Томаса Яна “Knockin' On Heaven's
Door”.
Па словах Тані, “По ветру” – яе самая любімая песня ў
рэпертуары “Без Білета”, таму ў працы над відэа яна хацела выкласціся
на ўсе 100 адсоткаў. Гісторыя новага кліпа нечым нагадвае колішні хіт
аўтарства Кушнер – “Две лодки”. У відэа “По ветру” дзве дзяўчыны
збягаюць са шпіталя і рушаць у вандроўку, бо “ім трэба на вышыню”, а
музыкі гурта за імі назіраюць.
Дарэчы, БЕЗ БіЛЕТА абвясцілі конкурс рэцэнзій на відэа “По ветру”, які працягнецца з 17 па 25 студзеня. Яго пераможца атрымае адну з роляў у наступным кліпе гурта. Падрабязнасці на старонцы www.bezbileta.net.
