NRМ прэзентуе ў Мінску новыя песні і сыграе хіты “Мроі”
17-га снежня свой 15-ты Дзень народзінаў адзначыць легенда беларускага рока – гурт NRM. Каманда збіраецца сыграць вялікі сямейны калядна-акустычны канцэрт у КЗ “Мінск”.
Гітарыст гурта Піт Паўлаў лічыць NRM адзіным беларускім гуртом, які можа даць паўнавартасны акустычны канцэрт. Дарэчы, менавіта дзякуючы Піту, адзінаму рок-музыку, які не цураўся акустычнай гітары, гэтыя канцэрты сталі магчымымі:
Піт Паўлаў: “У нас заўсёды вельмі добра атрымліваецца акустыка. Я наогул лічу, што гэта наша галоўная фішка. Менавіта дзякуючы таму, што я заўсёды граў на акустычнай гітары, дзякуючы таму, што яна ў мяне, у адрозненні ад астатніх рок-музыкаў, з‘явілася такая “опцыя”: проста магчымасць грання акустычных канцэртаў. На мой погляд, NRM — адзіны гурт, які здолеў даць натуральны паўнавартасны акустычны канцэрт”.
Ніякіх асаблівасцяў, апроч звычайнага NRM, аматары беларускага року на свяце гурта не ўбачаць і не пачуюць. Адзінае, падкрэслівае Піт Паўлаў, музыкі вырашылі адмовіцца ад імпэту, з якім граюць звычайна электрычныя канцэрты, і змяніць яго больш лагодным падыходам:
Піт Паўлаў: “Ніякіх звышасабістых рэчаў, акрамя звычайнага NRM-у, які знаходзіцца ў вельмі добрай форме, вы не ўбачыце. У нас з’явілася такая думка: паспрабаваць больш не граць акустыку з такім самым імпэтам, як мы граем электрычныя канцэрты. А зрабіць больш сямейны канцэрт, больш ціхі і больш прыдатны менавіта для акустычных гітар”.
Піт абяцае, што на канцэрце 17-га снежня фэны NRM пачуюць некалькі песень Мроі, і не выключае магчымасці здзівіць прыхільнікаў нечым новым:
Піт Паўлаў: “Да канцэрта яшчэ месяц. Калі NRM будзе працаваць у сваім тэмпе, то можна за месяц напісаць новы альбом. Так што магчыма, вы пачуеце новы альбом”.
Гітарыст гурта Піт Паўлаў лічыць NRM адзіным беларускім гуртом, які можа даць паўнавартасны акустычны канцэрт. Дарэчы, менавіта дзякуючы Піту, адзінаму рок-музыку, які не цураўся акустычнай гітары, гэтыя канцэрты сталі магчымымі:
Піт Паўлаў: “У нас заўсёды вельмі добра атрымліваецца акустыка. Я наогул лічу, што гэта наша галоўная фішка. Менавіта дзякуючы таму, што я заўсёды граў на акустычнай гітары, дзякуючы таму, што яна ў мяне, у адрозненні ад астатніх рок-музыкаў, з‘явілася такая “опцыя”: проста магчымасць грання акустычных канцэртаў. На мой погляд, NRM — адзіны гурт, які здолеў даць натуральны паўнавартасны акустычны канцэрт”.
Ніякіх асаблівасцяў, апроч звычайнага NRM, аматары беларускага року на свяце гурта не ўбачаць і не пачуюць. Адзінае, падкрэслівае Піт Паўлаў, музыкі вырашылі адмовіцца ад імпэту, з якім граюць звычайна электрычныя канцэрты, і змяніць яго больш лагодным падыходам:
Піт Паўлаў: “Ніякіх звышасабістых рэчаў, акрамя звычайнага NRM-у, які знаходзіцца ў вельмі добрай форме, вы не ўбачыце. У нас з’явілася такая думка: паспрабаваць больш не граць акустыку з такім самым імпэтам, як мы граем электрычныя канцэрты. А зрабіць больш сямейны канцэрт, больш ціхі і больш прыдатны менавіта для акустычных гітар”.
Піт абяцае, што на канцэрце 17-га снежня фэны NRM пачуюць некалькі песень Мроі, і не выключае магчымасці здзівіць прыхільнікаў нечым новым:
Піт Паўлаў: “Да канцэрта яшчэ месяц. Калі NRM будзе працаваць у сваім тэмпе, то можна за месяц напісаць новы альбом. Так што магчыма, вы пачуеце новы альбом”.
