Нямеччына спрасціла візавы рэжым
Нямеччына не будзе браць консульскі збор за афармленне нацыянальных візаў для беларусаў.
Пра гэта паведаміла 9 лютага прэс-служба нямецкай амбасады ў Мінску.
Бяспошліннае афармленне нацыянальных візаў будзе прадастаўлена асобам, якія маюць знаходзіцца ў Нямеччыне больш за 3 месяцы з мэтай уз'яднання сям'i, вучобы або працаўладкавання.
Пад новы парадак не падпадае выдача шэнгенскіх візаў для кароткатэрміновых прыватных і дзелавых паездак працягласцю да 90 дзён у межах паўгоддзя, гаворыцца ў паведамленні на сайце амбасады.
