Пад Іванава дызель-цягнік разарваў трактар з прычэпам, ёсць ахвяра
Трагічнае здарэнне адбылося каля 16-й гадзіны ў панядзелак, 17 сакавіка.
25-гадовы трактарыст адной з мясцовых гаспадарак чамусьці не спыніўся на сігналізацыю на рэгуляваным чыгуначным пераездзе Іванава — Снітава. У выніку, на чыгунцы адбылося сутыкненне трактара з дызель-цягніком "Брэст — Лунінец".
Удар прыйшоўся паміж кабінай і прычэпам, ён быў такі моцны, што кавалкі трактара разляцеліся ў розныя бакі. Трактарыст ад атрыманых траўмаў памёр на месцы, адзначае БЕЛТА.
Затрымка ў руху цягнікоў склала каля 15 хвілінаў.
Здымак з архіву. Фота — ria.ru
