Пакуль Зяленскі быў у Ізюме, яго родны горад абстралялі ракетамі
Пакуль Уладзімір Зяленскі сёння наведваў вызвалены Ізюм, раійскія войскі нанеслі ўдар па Крывым Рогу — родным горадзе ўкраінскага прэзідэнта.
"Сем крылатых ракет Х-22 выпушчана з самалётаў стратэгічнай авіяцыі. Пацэлілі па аб'ектах крытычнай і транспартнай інфраструктуры, істотна пашкоджаныя гідратэхнічныя збудаванні з мэтай стварэння надзвычайнай сітуацыі, сацыяльнага напружання, псіхалагічнага ціску", — паведамляюць у Аператыўнай групе войск "Кахоўка".
Пацярпелых, паводле папярэдняй інфармацыі няма. Аднак некалькі раёнаў горада засталіся без водазабеспячэння.
