“Памятаю, адзін быў на літару “К”, яго яшчэ арыштавалі…”

Еўрарадыё запыталася ў мінчукоў, ці памятаюць яны, хто балатаваўся на мінулых прэзідэнцкіх выбарах?
Хутка нас чакаюць прэзідэнцкія выбары. Еўрарадыё задало пытанне на вуліцах Мінска: Ці памятаеце вы, хто быў кандыдатам у прэзідэнты на мінулых выбарах?

― Я не памятаю, я галасаваў супраць усіх і нават не глядзеў у бюлетэнь. Нават не ўяўляю сабе. Толькі адзін кандыдат ёсць, адзін і ўсё, яго немагчыма забыць.

― Я памятаю, як выглядае…

― Такі з вусамі, такі нейкі маленькі, пухлы…

― Калі так успамінаць, дык успомню дакладна. Увогуле я ўсё гэта памятаю як учора, толькі прозвішчаў і як выглядаюць – не памятаю.

― Гэты… На “К”, Мілінкевіч, напэўна, пасля – Казулін, Лукашэнка і больш не памятаю. Шушкевіч?

― Не, не памятаю. Ну, акрамя прэзідэнта.

― Лукашэнка. Больш не памятаю…

― Не памятаю.

― Не ведаю.

― Памятаю, адзін быў на літару “К”, яго яшчэ арыштавалі.

― Быў адзін здаецца з прэзідэнтам з адной кампаніі, пацягнуў на сябе трошку галасоў, каб не прайшлі “левыя”… А так…

― Было тры кандыдаты – Лукашэнка, Мілінкевіч і Гайдукевіч. А, яшчэ Казулін быў.

― Лукашэнка, Мілінкевіч, Казулін і яшчэ адзін… Не памятаю.

― Не памятаю, чэсна, даўно гэта было. Акрамя дзейнага ніхто не ўспамінаецца. Бог яго ведае…