Папярэднія звесткі аб несапраўдных подпісах з'явяцца заўтра

Сёння завяршаецца праверка сапраўднасці подпісаў выбаршчыкаў, сабраных ініцыятыўнымі групамі ў падтрымку вылучэння кандыдатаў у прэзідэнты, паведамляе БелаПАН.  Не пазней за 13 лістапада ўключна звесткі пра колькасць выбаршчыкаў, якія паставілі свае подпісы па абласцях і Мінску, паступяць у Цэнтрвыбаркам. Да гэтага ж тэрміну прэтэндэнты на пасаду прэзідэнта павінны перадаць у Цэнтральную камісію заяву аб згодзе балатавацца кандыдатам у прэзідэнты, анкету з біяграфічнымі звесткамі і дэкларацыю аб даходах і маёмасці.

Як паведаміў сакратар Цэнтрвыбаркама Мікалай Лазавік, папярэднія звесткі аб подпісах, прызнаных тэрытарыяльнымі камісіямі несапраўднымі, з'явяцца заўтра.