Патрыярх Кірыла наведае Беларусь у канцы верасня

Маскоўскі патрыярх Кірыла з 25 па 28 верасня наведае Беларусь. Ён плануе пабываць у Мінскай, Полацкай і Віцебскай епархіях, перадае БЕЛТА. Папярэдняя праграма візіту ўключае сустрэчы з духавенствам і грамадскасцю Беларусі, азнаямленне з жыццём праваслаўных абшчын, а таксама здзяйсненне богаслужэнняў.

27 верасня патрыярх правядзе богаслужэнне ў Полацкім Свята-Ефрасіннеўскім манастыры. Плануецца, што яму паднясуць у дар дакладную копію знакамітага Слуцкага Евангелля.