Паўлічэнка замяніў Сівакова
Былы кіраўнік
Міністэрства ўнутраных спраў Юры Сівакоў, якога падазраюць у дачыненні да
знікненняў вядомых людзей, нечакана склаў з сябе паўнамоцтвы старшыні савета
Беларускай асацыяцыі ветэранаў спецназу “Гонар”.
На гэты момант асацыяцыяй кіруе скандальна вядомы палкоўнік Дзмітры
Паўлічэнка. Паводле пэўнай інфармацыі, заяву аб выхадзе з арганізацыі рыхтуе і
камандзір палка спецыяльнага прызначэння палкоўнік Юрый Падабед.
Супрацоўнікі
Міністэрства унутраных спраў гавораць, што асноўнай прычынай сыходу кіраўніка
асацыяцыі сталі напружаныя адносіны і нават канфлікты з Паўлічэнкам. Сам
Сівакоў ад якіх-небудзь каментароў на дадзеную тэму катэгарычна адмаўляецца,
паведамляе сайт “Беларускі партызан”.
