Павел Сапелка: Варта маліцца, каб Бог наставіў на розум некаторых людзей
Сапелка будзе абскарджваць сваё выключэнне з калегіі адвакатаў. Дасведчаны юрыст не бачыць у гэтым сэнсу ў наяўнай сітуацыі.
Нагадаем, рашэнне пра выключэнне Паўла Сапелкі, які абараняе Андрэя Саннікава, Паўла Севярынца і Змітра Дашкевіча, 3 сакавіка прыняў прэзідыум Мінскай гарадской калегіі адвакатаў па прадстаўленні Міністэрства юстыцыі.
"Ва ўсяго ёсць свая мяжа трываласці, вызначылася яна і ў Мінскай гарадской калегіі адвакатаў", — пракаментаваў Павел "Салідарнасці" рашэнне калег.
"Аддыхаюся, пашукаю працу, часу вольнага цяпер шмат", — пажартаваў юрыст.
"Мне падаецца, варта маліцца, каб Бог наставіў на розум некаторых людзей і дапамог тым, хто цяпер за кратамі", — рэзюмаваў ён.
