Паводка ў Варшаве: зачынена больш за 200 школаў і садкоў (фота)
Варшава працягвае змагацца з паводкай. Узровень вады ў Вісле складае больш за 7,5 метра — крытычная адзнака перавышаная болей чым на метр, і такая небяспечная сітуацыя можа захавацца да вечара аўторка. У панядзелак у Варшаве быў зачынены Медзэшыньскі Вал, што стварыла вялікі дарожны корак на Люблінскім тракце. Уладамі Варшавы распрацоўваецца план эвакуацыі прыбярэжных раёнаў. На сёння зачынена ўжо больш за 200 садкоў і школаў.
