Перадухілены вываз у Расію беларускіх свінняў

70 свінняў агульнай вагой без малога восем тон спрабаваў вывезці ў Расію беспрацоўны жыхар горада Рудня.  КамАЗ са свіннямі міліцыянты Аршанскага Дэпартамента "Ахова" разам з супрацоўнікамі ГБЭП і ДАІ Дубровенскага РАЎС затрымалі недалёка ад вёскі Рэдзькі Дубровенскага раёна. Свінняў расіянін вёз разам з экспедытарам аднаго з віцебскіх ТДА. Дакументы на вываз жывёл былі аформленыя з парушэннямі.

Груз агульным коштам звыш 56 мільёнаў рублёў канфіскаваны, па факце парушэння складзены адміністрацыйны пратакол, паведамляюць "Народныя навіны Віцебска".