Першы афіцыйны футбольны матч на стадыёне "Дынама" пройдзе 19 ліпеня
Першы афіцыйны футбольны матч на мінскім стадыёне "Дынама" пройдзе 19 ліпеня. Гэта будзе паядынак першага раўнда кваліфікацыі футбольнай Лігі Еўропы паміж мінскімі дынамаўцамі і ірландскім "Дзеры Сіці". Пра гэта паведамляе партал tut.by. Інфармацыя пра квіткі з'явіцца ў бліжэйшы час.
На сайце ФК "Дынама-Мінск" месцам правядзення паядынку яшчэ пазначаны стадыён "Трактар". Відаць, у бліжэйшы час інфармацыю зменяць.
Між тым 12 ліпеня мінскае "Дынама" і салігорскі "Шахцёр" стартуюць у першым кваліфікацыйным раўндзе футбольнай Лігі Еўропы. Мінчукі гуляюць у гасцях з ірландскім "Дзеры Сіці", а гарнякі — таксама на чужым полі з уэльскім "Конахс-Куэй". Абодва паядынкі пачнуцца а 20-й гадзіне, трансляцыі на тэлеканале "Беларусь 5" не будзе. 19 ліпеня пройдуць матчы ў адказ.
Яшчэ адзін прадстаўнік нашай краіны ў Лізе Еўропы, брэсцкае "Дынама", стартуе ў другога круга, паколькі з'яўляецца ўладальнікам Кубка Беларусі. Яго сапернік — "Атрамітас" з Грэцыі.
