Прарасійскія кібер-тэрарысты зламалі сайты ўкраінскіх уладаў
На сайце генпракурора Украіны сёння з’явілася паведамленне, што галасы на выбарах будуць лічыць уручную.
Гэта звязана нібыта з праблемамі з электроннай сістэмай “Выбары” і сайтам украінскага ЦВК. Заўтра, 26 кастрычніка, ва Украіне пройдуць пазачарговыя парламенцкія выбары.
Пры гэтым у ЦВК запэўніваюць, што электронная сістэма працуе ў штатным рэжыме. Раней планавалася абнародаваць папярэднія вынікі галасавання ўжо ў панядзелак.
Дзяржслужба спецсувязі Украіны ў суботу паведамляла, што хакерскія атакі на сайты ўкраінскіх уладаў былі чаканымі, таму ЦВК і спецсувязь загадзя наладзілі ўзаемадзеянне з правайдэрамі, якія абслугоўваюць люстэркі і каналы.
Адказнасць за кібератаку ўзяла на сябе група прарасійскіх хакераў, якія называюць сябе “Кіберберкутам”. Пра гэта яны паведамілі ў сацыяльных сетках і заявілі, што кантралююць кібер-пратору ЦВК
Таксама яны зламалі сайт прэзідэнта Украіны.
25 кастрычніка ва Украіне — дзень цішыні перад выбарамі. Забароненая агітацыя за палітычныя партыі і кандыдатаў у дэпутаты Вярхоўнай Рады. Усяго ў Раду балатуюцца 6670 кандыдатаў, перадае ВВС.
