Правальскі знявагі не даруе
Скандал з нядопускам на цырымонію ўручэння прыза лепшаму прадпрымальніку Віцебшчыны яго законнага ўладальніка атрымае працяг.
Нагадаем, сёння ў Віцебскім аблвыканкаме прайшло шанаванне лепшых прадпрымальнікаў. Пераможца ў намінацыі "лепшы прадпрымальнік Віцебскай вобласці ў 2010 годзе" экс-прэтэндэнт у прэзідэнты Уладзімір Правальскі на цырымонію дапушчаны не быў, хаця меў афіцыйнае запрашэнне аргкамітэта. Прыз так і застаўся ў аблвыканкаме.
У эфіры Еўрарадыё ён заявіў, што гэтую агіднасць звязвае са сваёй нядаўняй ініцыятывай правядзення рэферэндума аб недаверы Лукашэнку.
Правальскі мае намер абараняць свае правы — "спачатку ў адміністратыўным парадку, юрысты ўжо працуюць". І ўручэння прызначанага для яго прыза ён таксама будзе намагацца — "ва ўрачыстай абстаноўцы", як вызначана рэгламентам конкурса.
