Псіхіятры дыягнаставалі ў Дарта Вэйдэра расстройства асобы

Французскія псіхіятры паставілі дыягназ персанажу кінаэпапеі "Зорныя войны". Дарт Вэйдэр, верагодна, пакутуе на памежнае расстройства асобы. Да такой высновы навукоўцы прыйшлі, прааналізаваўшы паводзіны персанажа і яго лад жыцця, паведамляе Fox News.

Вывучаючы асобу правадыра войска Галактычнай Імперыі, навукоўцы выявілі ў яго шэсць з дзевяці прыкмет захворвання, што сведчыць пра яго наяўнасць.

Памежнае расстройства асобы - стан, які характарызуецца празмернай імпульсіўнасцю і высокай трывожнасцю. Псіхіятры лічаць, што гэтым захворваннем тлумачыцца і папулярнасць характару Вэйдэра сярод падлеткаў - моладзь бачыць у злыдні роднасную душу, бо юныя гледачы самі часта пакутуюць на такія расстройствы.

Таксама навукоўцы параўноўваюць Цёмны бок Сілы, які падстаўляе Вэйдэр, з ужываннем наркотыкаў. Так, знаходзячыся на Цёмным баку, герой адчувае задавальненне, аднак разумее, што робіць нешта забароненае.

Фота: wordpress.com