Пётр Ялфімаў паляціць “штурмаваць” Маскву
Беларускі ўдзельнік “Еўрабачання-2009” Пётр Ялфімаў у суботу вылятае ў Маскву, дзе ў сярэдзіне траўня пройдзе гэты міжнародны песенны конкурс. Нагадаем, Ялфімаў будзе выступаць у першым паўфінале. За ўсю гісторыю “Еўрабачання” (з 2004 года) прадстаўніку Беларусі толькі аднойчы ўдалося выйсці ў фінал. У 2007 годзе Дзмітрый Калдун заняў шостае месца сярод усіх удзельнікаў, паведамляе БелаПАН.
