Раманаў не прызнаўся ў крадзяжы манітора з лякарні
З Маскоўскага РАУС Мінска адпушчаны без выстаўлення абвінавачвання жыхар Слуцка Вадзім Раманаў, які быў затрыманы напярэдадні ў Мінску.
У РАУС яго пратрымалі каля 17 гадзін.
Да гэтага хлопца некалькі разоў выклікалі ў міліцыю ў сувязі з тым, што ягоны тэлефон быў зафіксаваны ўвечары 19 снежня ў раёне плошчы Незалежнасці.
Паводле Раманава, цяпер яго дапытвалі ў сувязі з крадзяжом манітора з кабінета галоўнага ўрача адной са сталічных бальніц. "Мне прапаноўвалі прызнацца ў здзяйсненні крадзяжу, але я не вінаваты, таму не прызнаўся", — прыводзіць словы Раманава "Праваабарончая хроніка".
