Расія ізноў рэагуе на праблемы правоў чалавека ў Беларусі

"Беларусь — нашая братэрская краіна, стратэгічны партнёр, але гэта не значыць, што мы заплюшчым вочы на парушэнне асноўных правоў і свабод". Такую заяву зрабіў сёння кіраўнік МЗС Расіі Сяргей Лаўроў у інтэрв'ю тэлеканалу Russia Today.

"Ёсць пэўныя стандарты, ёсць абавязальніцтвы, пад якімі мы падпісаліся", — нагадаў Лаўроў. Ён назваў "непрымальнымі" арышты ў Беларусі кандыдатаў у прэзідэнты, а таксама двух расійскіх грамадзянаў, якія дагэтуль знаходзяцца ў зняволенні.