Расійскага бізнэсмэна-даўжніка не пусцілі адпачыць нават у Беларусь
Прадпрымальнік з Мурманскай вобласці завінаваціўся 34 мільёны расійскіх рублёў (больш за 1 мільён долараў ЗША) па крэдытах.
Яшчэ 3 мільёны расійскіх рублёў ён завінаваціўся па заробках сваім рабочым.
Запазычанасці мужчына не выплачваў, а ад прадстаўнікоў праваахоўных органаў хаваўся. Аднак судовыя прыставы даведаліся, што бізнэсмэн збіраецца паехаць на адпачынак у Беларусь. Яны сустрэлі мужчыну літаральна з валізамі ў руках і запрасілі пагаварыць пра назапашаныя пазыкі.
Бізнэсоўца папярэдзілі пра магчымую крымінальную адказнасць за нявыплату крэдытаў і адпусцілі, пішуць мясцовыя СМІ.
Фота — yahooeu.ru
