Расійскія тураператары возяць экскурсіі на месца гібелі прэзідэнта Польшчы

Месца смерці прэзідэнта Польшчы Леха Качыньскага пад Смаленскам стала новай турыстычнай славутасцю, адзначаюць "Смоленские новости". Пра катастрофу цяпер нагадвае толькі зламанае дрэва, але экскурсіі карыстаюцца попытам. Кампаніі возяць туды турыстаў па просьбе ў рамках паездак у Катыні або аглядных экскурсій па Смаленску.

Па словах тураператараў, большасць жадаючых паехаць да месца падзення самалёта з польскай дэлегацыяй - палякі. Супрацоўнік адной з турфірмаў у Смаленску зазначыў, што глядзець ужо амаль няма чаго. Хоць дрэва, з якім сутыкнуўся самалёт, яшчэ не спілаванае і стаіць зламаным.

Нагадаем, самалёт Ту-154 з польскім кіраўніцтвам разбіўся 10 красавіка. На борце знаходзіліся 96 чалавек.