Распачатая чарговая крымінальная справа супраць маладафронтаўца

У Жлобіне распачалі крымінальную справу супраць маладафронтаўца Кірыла Атаманчыка. Яго абвінавачваюць у дзейнасці ад імя незарэгістраванай арганізацыі. 18 верасня супрацоўнікі спецслужбаў правялі на яго кватэры ператрус. Нагадаем, што ў верасні адбыліся тры судовых працэсы супраць сяброў незарэгістраванай арганізацыі “Малады фронт”.

У Нясвіжы Наста Азарка, а ў Баранавічах Яраслаў Грышчэня былі аштрафаваныя, а непаўналетні Іван Шыла з Салігорску атрымаў папярэджанне.

Наша ніва