10 снежня ў Мінску адкрыецца першы ў краіне дэльфінарый
Першае шоу ў новым дэльфінарыі пад назвай “Нэма” пройдзе ў суботу а 12.00.
Спецыялісты распавядуць пра насельнікаў гэтай установы — марскіх коцікаў і дэльфінаў, іх фізіялогію, асаблівасці паводзін, характар. Затым марскія сысуны пакажуць шоу, падчас якога яны будуць маляваць беларускі сцяг, таньчыць, гуляць з мячыкам.
У дэльфінарыі “Нэма” чатыры ціхаакіянскія дэльфіны, два паўночныя марскія коцікі і марское ільвяня. Памяшканне дэльфінарыя можа змясціць 700 наведнікаў. Акрамя прадстаўленняў, якія плануецца праводзіць тры разы на дзень (акрамя панядзелка), за асобную плату ахвотныя змогуць сфатаграфавацца або паплаваць з дэльфінамі, паведамляе агенцтва “Мінск-Навіны”.
