Арган у полацкай Сафіі рэканструююць
Знакаміты музычны інструмент будуць рамантаваць упершыню за 28 гадоў.
У ім заменяць некаторыя дэталі і пульт кіравання, што зробіць гучанне інструмента больш насычаным.
У мадэрнізацыі аргана возьмуць удзел расійскія і ўкраінскія спецыялісты сумесна з нямецкай арганабудаўнічай фірмай “Хеслер”. Яны таксама правядуць і прафілактычныя працы. Апошнім разам гэта рабілася ў 1998 годзе.
На ўдасканаленне полацкага аргана Міністэрства культуры выдзеліла 1,5 мільярда рублёў, паведамляе БЕЛТА.
