9 траўня ў Мінску часткова абмяжуюць рух на вуліцах
У сувязі з масавымі мерапрыемствамі ў гонар Дня перамогі перакрыюць праспект Незалежнасці — ад Галоўпаштамта ад вуліцы Казлова.
Часткова перакрыюць і ўсе вуліцы, якія перасякае праспект Незалежнасці на гэтым адрэзку, то бок, ад плошчы Леніна да плошчы Перамогі. Абмежаванне на рух транспарту тут будзе дзейнічаць ад 8.00 да 15.00, паведамляе БЕЛТА.
Увечары, з 21.30 да 22.30 перакрыюць праспект Пераможцаў на адрэзку ад вуліцы Арлоўскай да праспекту Незалежнасці, а таксама праспект Машэрава на ўчастку ад вуліцы Ціміразева да вуліцы Даўмана. Рух будзе перакрыты і на ўсіх вуліцах, якія праспект перасякае.
