Абітурыента выгналі з цэнтралізаванага тэсціравання за цыгарэту
Пяць чалавек у сераду выдалілі з аўдыторый, дзе праходзіла цэнтралізаванае тэсціраванне па беларускай мове.
Чацвёра з іх мелі пры сабе ўключаныя мабільныя тэлефоны. Яшчэ адзін без суправаджэння арганізатараў тэсціравання самачынна сыйшоў з аўдыторыі і будынка. Пасля ён патлумачыў свой сыход тым, што хадзіў папаліць. Дапісаць тэст яму ўжо не дазволілі.
БЕЛТА нагадвае, што на выпрабаванні па беларускай мове былі зарэгістраваныя больш за 45 тысяч абітурыентаў. Больш за тысячу чалавек (альбо 3%) на ЦТ не прыйшлі.
Фота — bymedia.net
