З'явілася фота падазраванага, які паведаміў пра мініраванне вакзала
Транспартная міліцыя перадала ў СМІ фотаздымкі, на якіх зафіксаваны мужчына, што падазраецца ў лжэмініраванні сталічнага чыгуначнага вакзала.
Нагадаем, здарэнне адбылося вечарам 12 сакавіка. Невядомы паведаміў па тэлефоне пра бомбу, нібыта, закладзеную ў будынку. З вакзала эвакуявалі каля 700 чалавек. Пасля праверкі ніякіх выбуховых прыстасаванняў знойдзена не было.
Як інфармуе БЕЛТА, было высветлена, што мужчына тэлефанаваў з тэлефона-аўтамата на трэцім паверху вакзала. Цяпер праваахоўнікі просяць дапамагчы знайсці зламысніка.
