Адвакат Саннікава зноў не змог сустрэцца са сваім падабаронным
Андрэю Варвашэвічу 12 студзеня адмовілі ў сустрэчы з экс-кандыдатам.
Начальнік калоніі Агністыкаў адмовіў у сустрэчы на той падставе, што праводзіць праверку, ці не пагражае Саннікаву небяспека, паведамляе БелаПАН. Родныя і адвакаты Андрэя Саннікава ўжо каля двух месяцаў не бачылі яго і не мелі магчымасці паразмаўляць.
Нагадаем, што ўвечары 11 студзеня жонка палітвязня Ірына Халіп атрымала ад мужа вельмі дзіўны ліст, датаваны 3 студзеня. У ім Андрэй Саннікаў не піша ні слова пра сябе, але затое на дзве старонкі распісвае, як паліваць кветкі ў кватэры.
