Афіцыйная Беларусь байкатуе сусветных зорак?
У блогасферы распаўсюджваецца фотакопія спісу "дзеячаў культуры, творчых калектываў", якія быццам бы забароненыя для згадвання ў афіцыйных СМІ.
Ніякіх спасылак на "адпраўніка" не прыводзіцца, што з улікам відавочнай абсурднасці задумы прымушае сумнявацца: а ці не "качка" гэта?
Ці ж гэта жарт — "байкатаваць" зорак сусветнага кіно Джуда Лоў і Кевіна Спэйсі, гурты "Ляпіс Трубяцкой", "Крама", "NRM" і "ДДТ"!
Зрэшты, логіка складання спісу цалкам відавочная — патрапілі ў яго пераважна персоны і калектывы, якія адзначыліся крытыкай беларускіх уладаў пасля 19 снежня.
Дый юайкоту байкоту, праўда, не ў міжнародным маштабе, улады маюць — прыгадаем забарону на канцэрты і радыёэфір для шэрагу беларускіх рок-гуртоў. Тады "афіцыйных" папер з гэтай нагоды не прымалася, а забарона, тым не менш, працавала.
Праўда, забараніць галівудскіх акцёраў складаней. Не паказваць хіба па БТ фільмы з іх удзелам?
