Актывісты “Гавары праўду” адзначылі народзіны Тадэвуша Касцюшкі
Прадстаўнічая дэлегацыя з Брэстчыны наведала 4 лютага ўрочышча Мерачоўшчына каля Косава.
Пра гэта паведаміў актывіст грамадзянскай кампаніі “Гавары праўду” Валянцін Лазарэнкаў:
“Была вялікая дэлегацыя кампаніі “Гавары праўду”, каля трыццаці чалавек. Усклалі кветкі да помніка Касцюшку. Потым правялі Круглы стол, прысвечаны нашаму нацыянальнаму герою. Міліцыя адразу прыбрала ад помніка сцяжок з надпісам “Гавары праўду”, — сказаў спадар Лазарэнкаў.
Сёлета народзіны Тадэвуша Бонавентуры Касцюшкі адзначаліся ў 266-ы раз. У Косаве, як заўсёды, былі прадстаўнікі шматлікіх замежных амбасадаў. Афіцыйныя святкаванні ў гонар Тадэвуша Касцюшка на Мерачоўшчыне адбываюцца з 1996 года.
