Амбасадар Беларусі ў Польшчы вярнуўся на радзіму
Віктар Гайсёнак ужо знаходзіцца ў Мінску.
Як інфармуе БелаПАН, па збегу акалічнасцяў Гайсёнак акурат быў у Мінску на момант прыняцця рашэння пра яго адкліканне.
Нагадаем, пастаянны прадстаўнік Беларусі пры Еўрасаюзе Андрэй Еўдачэнка і амбасадар Беларусі ў Польшчы Віктар Гайсёнак былі адкліканыя ў Мінск для кансультацый 28 лютага. Пра гэта ў той жа дзень паведаміў прэс-сакратар МЗС Беларусі Андрэй Савіных. Гэта стала беларускім адказам на рашэнне Савета ЕС пашырыць спіс беларускіх чыноўнікааў, якім забаронены ўезд у Еўрасаюз.
