Амерыканскі падлетак скарыў вяршыні усіх кантынентаў
15-гадовы Джордан Рамэра стаў самым юным у гісторыі заваёўнікам горных вяршыняў.
Уладальнікам ранейшага рэкорду быў брытанец Джордж Аткінсан, які завяршыў серыю узыходжанняў ва ўзросце 16 гадоў у траўні.
У суботу, 24 снежня, Рамэра шчасліва дасягнуў вяршыні піка Вінсан (4892 метра) у Антарктыдзе, пра што паведаміў сваёй маці і ва ўласным блогу ў сацыяльнай сетцы Facebook.
Цяпер у актыве падлетка сем гор, уключаючы найвышэйшы пункт Афрыкі -Кіліманджара (5895 метраў) і найвышэйшую вяршыню свету - Эверэст (8850 метраў). Іх ён заваяваў у 10 і 13 гадоў.
