Андрэй Моўчан атрымаў штраф памерам 1 мільён рублёў
Актывіста грамадзянскай кампаніі "Еўрапейская Беларусь" затрымалі ў ноч на 14 ліпеня ў мікрараёне Уручча нібыта за налепку "Не – смяротнай кары".
Працэс над Моўчанам пачаўся ў 16.30, паведамляе БелаПАН. Суд заслухаў сведкаў з боку міліцыі, якія блыталіся ў паказаннях. Аднак гэта не дапамагло – Моўчана прызналі вінаватым.
Яго абвінавачвалі па двух артыкулах Кодэкса аб адміністрацыйных правапарушэннях: парушэнне правілаў добраўпарадкавання гарадоў і ў дробным хуліганстве. Да 16 ліпеня Моўчан знаходзіўся на Акрэсціна. Затым судовы працэс быў перанесены на 24 ліпеня з-за няяўкі сведак – супрацоўнікаў міліцыі.
