Антон Сурапін пераехаў у Мінск
Але ён па-ранейшаму застаецца пад падпіскай аб нявыездзе. Следства проста перанесла падпіску з Слуцка ў Мінск.
Як паведамляе прэс-служба БАЖ, былы вязень СІЗА КДБ пераехаў у сталіцу яшчэ ў аўторак, 18 верасня. Антон з'яўляецца студэнтам Інстытута журналісткі БДУ і цяпер праходзіць практыку. Ад 1 кастрычніка ён мяркуе працягнуць далейшае навучанне ў Інстытуце журналістыкі. Хлопец спадзяецца, што крымінальную справу супраць яго неўзабаве закрыюць.
Нагадаем, што фатограф першым размясціў на сваім сайце фатаздымкі плюшавых мядзведзікў з "цацачнага дэсанту". Сурапіна падазравалі ў саўдзеле ў перасячэнні мяжы шведскімі пілотамі. 40 дзён ён правёў у СІЗА КДБ.
Фота — baj.by
