Арбеніна студэнтам БДУ: цяпер і мяне ў Беларусі ўнясуць у "чорны спіс"
Лідарка расійскага гурта "Начныя снайперы" прыехала на гістфак Белдзяржуніверсітэта проста з аэрапорта. Яна адказвала на пытанні і праспявала некалькі песень.
Арбеніна нагадала, што яна нарадзілася ў Валожыне, жыла ў Барысаве. "Я пагадзілася на гэтую сустрэчу толькі таму, што рэдка бываю на радзіме", — цытуе словы спявачкі БелаПАН.
Дзіяна Арбеніна распавяла пра новы альбом "4", пра сваё веданне беларускай рок-музыкі. Адказваючы на пытанне пра адносіны да негалосных "чорных спісаў" беларускіх музыкаў, спявачка адзначыла: "Як можна адносіцца да таталітарызму? Відаць, і мяне цяпер унясуць у чорны спіс".
Фота — БелаПАН
