Бабруйскую абутковую фабрыку прадаюць, каб не прагарэла
"Беллегпрам" выставіў на продаж адразу два бабруйскія прадпрыемствы — "Бабруйсктрыкатаж" і Бабруйскую абутковую фабрыку.
Гэта адбываецца ў адпаведнасці з сакавіцкай пастановай урада №348. У пастанове зацверджаны план прыватызацыі на 2011-2013 гг.
"Бабруйсктрыкатаж" можа пачакаць інвестараў да 2012 года. А вось для абутковай фабрыкі плануецца знайсці інвестараў ужо на працягу гэтага года. Інакш прадпрыемства не вытрывае эканамічных праблем.
Ужо каля паловы плошчы фабрыкі прададзена альбо здадзена ў арэнду прыватным прадпрымальнікам. Пакуль фабрыка выжывае за кошт вытворчасці спецабутку.
