“Песняры” пагражаюць судом стваральніку сайта www.pesnyary.com

Стваральнік сайта www.pesnyary.com Фёдар Караленка паведамляе Еўрарадыё, што кіраўніцтва БДА “Песняры” пагражае яму судом за крадзеж інтэлектуальнай уласнасці:

“Ведаеце, як у байцы Крылова: “Ты виноват уж тем, что хочется мне кушать”, — дзеліцца ўражаннямі ад сустрэчы з кіраўніцтвам ансамбля Фёдар Караленка. — Ім не падабаецца тое, што пішуць людзі пра іх на форумах, яны жадаюць кантраляваць гэтую інфармацыю. Яны праз адзінаццаць гадоў чамусьці вырашылі, што сайт эксплуатуе іх гандлёвую марку, бо ў назве ёсць “Песняры”. Пагражаюць судамі, забраць даменнае імя, пагражаюць Адміністрацыяй прэзідэнта і іншымі структурамі, якія будуць далучацца”.

Ёсць тры варыянты рашэння канфлікта: цалкам закрыць сайт, аддаць сайт ім, ці камбінацыя папярэдніх двух варыянтаў, дадае Караленка.

Кіраўніцтва БДА “Песняры” настойвае, што стваральніку www.pesnyary.com не пагражае. Маўляў, яны шмат гадоў закрывалі вочы на выказванні наведвальнікаў форума, але зараз вядзецца актыўная праца па абароне дзяржаўнага брэнда “Песняры”. Таму і наспеў час разабрацца.

“Уявіце, што на форумах фірмовага сайта якога-небудзь прадукта будуць пісаць, не саромеючыся выказванняў, што гэты прадукт — дрэнны, — тлумачыць прэтэнзіі дырэктар ансамбля Сяргей Маеўскі. — Дык чаму ж www.pesnyary.com сабе гэта дазваляюць? Там абмяркоўваецца ўсё што заўгодна, ад клонаў гурта да рэчаў, якія не датычацца творчасці “Песняроў” увогуле. Таму гэта не фан-сайт, што заўгодна, але не фан-сайт. А Фёдара мы папрасілі дапамагчы як-небудзь гэтую сітуацыю разруліць. Прапанавалі, напрыклад, правесці размову з людзьмі, што пішуць, каб не ўсё так аднабока выглядала… Карацей, прыбраць прадузятыя каментары. Іншы варыянт быў спакойна аддаць нам гэтую марку, бо мы не жадаем судзіцца”.

Трэба адзначыць, што адразу пад назвай сайта “Песняры.com” змяшчаюцца словы “неафіцыйны фан-сайт”.

ФОТА

Прапанаваную здзелку Фёдар Караленка лічыць смешнай. У 2004 годзе ён ужо судзіўся з Ігарам Лучанком за размешчаныя на сайце спасылкі на спампоўку песень. Суд Фёдар прайграў, і адразу ж вырашыў закрыць сайт, але суполка, што склалася вакол яго, была супраць.

“Там людзі размаўлялі, уздымалі важныя тэмы, знаходзілі старыя песні, якія былі згубленыя, — узгадвае стваральнік сайта. — Таму я паўсюль зняў свой копірайт і аддаў правы адміністратара адразу некалькім людзям. Па факце я перадаў сайт суполцы сталых удзельнікаў форума. Цяпер гэта віртуальны фан-клуб”. 

Стваральнік сайта www.pesnyary.com Фёдар Караленка паведамляе Еўрарадыё, што кіраўніцтва БДА “Песняры” пагражае яму судом за крадзеж інтэлектуальнай уласнасці:

“Ведаеце, як у байцы Крылова: “Ты виноват уж тем, что хочется мне кушать”, — дзеліцца ўражаннямі ад сустрэчы з кіраўніцтвам ансамбля Фёдар Караленка. — Ім не падабаецца тое, што пішуць людзі пра іх на форумах, яны жадаюць кантраляваць гэтую інфармацыю. Яны праз адзінаццаць гадоў чамусьці вырашылі, што сайт эксплуатуе іх гандлёвую марку, бо ў назве ёсць “Песняры”. Пагражаюць судамі, забраць даменнае імя, пагражаюць Адміністрацыяй прэзідэнта і іншымі структурамі, якія будуць далучацца”.

Ёсць тры варыянты рашэння канфлікта: цалкам закрыць сайт, аддаць сайт ім, ці камбінацыя папярэдніх двух варыянтаў, дадае Караленка.

Кіраўніцтва БДА “Песняры” настойвае, што стваральніку www.pesnyary.com не пагражае. Маўляў, яны шмат гадоў закрывалі вочы на выказванні наведвальнікаў форума, але зараз вядзецца актыўная праца па абароне дзяржаўнага брэнда “Песняры”. Таму і наспеў час разабрацца.

“Уявіце, што на форумах фірмовага сайта якога-небудзь прадукта будуць пісаць, не саромеючыся выказванняў, што гэты прадукт — дрэнны, — тлумачыць прэтэнзіі дырэктар ансамбля Сяргей Маеўскі. — Дык чаму ж www.pesnyary.com сабе гэта дазваляюць? Там абмяркоўваецца ўсё што заўгодна, ад клонаў гурта да рэчаў, якія не датычацца творчасці “Песняроў” увогуле. Таму гэта не фан-сайт, што заўгодна, але не фан-сайт. А Фёдара мы папрасілі дапамагчы як-небудзь гэтую сітуацыю разруліць. Прапанавалі, напрыклад, правесці размову з людзьмі, што пішуць, каб не ўсё так аднабока выглядала… Карацей, прыбраць прадузятыя каментары. Іншы варыянт быў спакойна аддаць нам гэтую марку, бо мы не жадаем судзіцца”.

Трэба адзначыць, што адразу пад назвай сайта “Песняры.com” змяшчаюцца словы “неафіцыйны фан-сайт”.

ФОТА

Прапанаваную здзелку Фёдар Караленка лічыць смешнай. У 2004 годзе ён ужо судзіўся з Ігарам Лучанком за размешчаныя на сайце спасылкі на спампоўку песень. Суд Фёдар прайграў, і адразу ж вырашыў закрыць сайт, але суполка, што склалася вакол яго, была супраць.

“Там людзі размаўлялі, уздымалі важныя тэмы, знаходзілі старыя песні, якія былі згубленыя, — узгадвае стваральнік сайта. — Таму я паўсюль зняў свой копірайт і аддаў правы адміністратара адразу некалькім людзям. Па факце я перадаў сайт суполцы сталых удзельнікаў форума. Цяпер гэта віртуальны фан-клуб”.