Беларусь атрымае першы транш крэдыту ЕўраАзЭС улетку
Крэдытная падтрымка разлічана на тры гады і складзе ў выніку $3 мільярды.
Пра гэта сёння паведаміў прэм'ер-міністр Беларусі Міхаіл Мясніковіч.
"Плануецца, што ў канцы траўня - пачатку чэрвеня будуць прыняты адпаведныя рашэнні, на падставе якіх будуць прадстаўлены знешнія запазычанні", - сказаў Мясніковіч, перадае карэспандэнт БЕЛТА.
Ён таксама паведаміў, што ўчора ўвечары адбылося яшчэ адно абмеркаванне гэтых пытанняў з Пуціным.
"Першы транш крэдыту ацэньваецца ў $800 млн., дзесьці напачатку восені будзе другі транш, крыху большы за $400 млн.", - падкрэсліў прэм'ер-міністр.
