Беларусь плаціць Украіне за нафту, нават калі яе не атрымлівае
"У выпадку, калі не ідзе прапампоўка, краіна ўсё адно атрымлівае валюту ў аб'ёме прыкладна 60 мільёнаў долараў за год", - сказаў міністр энергетыкі Украіны.
Ўкраіна, паводле дамовы, усё адно атрымлівае грошы, нават калі Беларусь не прапампоўвае нафту па нафтаправодзе.
Як перадае УНИАН, пра гэта сказаў міністр энергетыкі і вугальнай прамысловасці Ўкраіны Юры Бойка сёння ў Данецку, адказваючы на пытанне, як змяніўся аб'ём прапампоўкі па нафтаправодзе "Адэса-Броды" пасля таго, як Беларусь скараціла пастаўкі нафты з Азербайджана.
Як паведаміў Бойка, "сёння проста Мазырскі завод знаходзіцца на рамонце, і ў апошні месяц прапампоўка паменшылася, а так – прапампоўка праходзіла ў планавым рэжыме".
