Беларусь сёння падае заяўку на “Еўрабачанне”
Прадстаўнікі Беларусі ўдзельнічаюць у сустрэчы кіраўнікоў дэлегацыяў краінаў-удзельніц “Еўрабачання”, якая праходзіць сёння ў Дзюсэльдорфе.
У Нямеччыну прывезлі поўны пакет дакументаў, неабходных для падачы заяўкі — гэта запіс конкурснай песні Анастасіі Віннікавай, кліп ды інфармацыя пра ўдзельніцу.
Як паведаміла БелаПАН прэсавы сакратар тэлеканала ОНТ Таццяна Курбат, напісаны новы варыянт конкурснай песні пад назвай “Я люблю Беларусь”. Аўтарства новай кампазіцыі, як і другога варыянту “Я беларуска” належыць Яўгену Алейніку і Святлане Гераськавай.
