Беларус у Расіі ўзяў у закладнікі дзіця-інваліда
24-гадовы грамадзянін Беларусі цягам 17 гадзінаў незаконна утрымліваў у шафе выхаванца школы-інтэрната для дзяцей з абмежаванымі магчымасцямі.
Выпадак меў месца ў Калужскай вобласці. Як паведамляе ІА REGNUM, малалетні закладнік быў добраахвотна адпушчаны выкрадальнікам.
Тым часам паліцэйская праверка высвеьліла, выхаванцы інтэрната былі без нагляду дарослых і кідалі камяні ў акно будынка, якое рамантавала брыгада рабочых з Беларусі. На неаднаразовыя заўвагі дарослых дзеці не рэагавалі. Тады адзін з рабочых, парушыўшы закон, самастойна замкнуў маленькага хулігана ў шафе.
За пазбаўленне волі непаўналетняга мужчыне пагражаюць прымусовыя працы або пазбаўленне волі на тэрмін ад трох да пяці гадоў.
