Беларус вёз з Украіны ў Польшчу наркотыкі (фота)
У цягніку "Кіеў — Берлін" украінскія памежнікі з дапамогай службовага сабакі выявілі пакет з амаль 330 грамамі расліннага рэчыва.
Сабака, адмыслова навучаны на пошук наркотыкаў, знайшоў пакет у прыбіральні за калектарнай трубой.
Пасля гэтага сабака знайшоў і ўладальніка пакета — 33-гадовага беларуса. Аб гэтым паведамляе ВолиньPost.
Мужчына прызнаўся, што вёз сумесь траваў для жавання — так званы насвай — у Польшчу з мэтай продажу.
Беларуса затрымалі. Прававое рашэнне адносна яго будзе прынята пасля экспертызы рэчыва.
