Беларуская чыгунка арганізуе святочны вагон да Дзеда Мароза
Ён пачне курсіраваць з 23 снежня.
Бесперасадачны вагон будзе перавозіць пасажыраў у Белавежскую пушчу ў складзе цягніка Мінск-Брэст. А назад у Мінск - у складзе цягніка Брэст-Масква.
Здзейсніць навагодняе падарожжа да Дзеда Мароза можна будзе з 23 па 29 снежня і з 1 па 8 студзеня. Турыстычны цэнтр "Дортур" мінскага аддзялення Беларускай чыгункі арганізуе экскурсіі як для індывідуальных турыстаў, так і арганізаваных груп, паведамляе БелТА.
