Беларускі футбаліст трапіў у аварыю ў Польшчы
Аўтамабіль з гульцамі беластоцкага футбольнага клубу “Ягелонія” трапіў у аварыю.
Як паведамляе Kurier Poranny, у салоне аўтамабіля знаходзіліся два грузіна і адзін беларус. Адзначым, што адзіным беларускім гульцом “Ягелоніі” з'яўляецца нападнік Ягор Зубовіч.
Выпадак здарыўся ў аўторак, калі гульцы вярталіся з трэніроўкі. Аўтамабіль занесла і ён з'ехаў у кювет. Хутчэй за ўсё прычынай аварыі сталі дрэнныя ўмовы надвор'я.
Ніхто з футбалістаў не пацярпеў.
